IPL 2024 Individual Award Winners: ഐപിഎല്‍ 2024 സീസണില്‍ ഓറഞ്ച് ക്യാപ്പിനു അര്‍ഹനായി റോയല്‍ ചലഞ്ചേഴ്‌സ് ബെംഗളൂരു താരം വിരാട് കോലി. 15 മത്സരങ്ങളില്‍ നിന്ന് 154.69 സ്‌ട്രൈക്ക് റേറ്റോടെ 741 റണ്‍സ് നേടിയാണ് കോലി റണ്‍വേട്ടയില്‍ ഒന്നാം സ്ഥാനം കരസ്ഥമാക്കിയത്. ഒരു സെഞ്ചുറിയും അഞ്ച് അര്‍ധ സെഞ്ചുറിയും കോലി ഈ സീസണില്‍ നേടി.
ഫൈനലില്‍ കളിയിലെ താരമായത് കൊല്‍ക്കത്തയുടെ പേസര്‍ മിച്ചല്‍ സ്റ്റാര്‍ക്കാണ്. എമര്‍ജിങ് പ്ലെയര്‍ ഓഫ് ദി സീസണ്‍ പുരസ്‌കാരം സണ്‍റൈസേഴ്‌സ് താരം നിതീഷ് കുമാര്‍ റെഡ്ഡി സ്വന്തമാക്കി. ഏറ്റവും കൂടുതല്‍ സിക്‌സറുകള്‍ നേടിയത് ഹൈദരബാദ് ഓപ്പണര്‍ അഭിഷേക് ശര്‍മയാണ്. ഡല്‍ഹി ക്യാപിറ്റല്‍സിന്റെ ജേക് ഫ്രേസര്‍ ഇലക്ട്രിക് സ്‌ട്രൈക്കര്‍ ഓഫ് ദി സീസണ്‍ ആയി തിരഞ്ഞെടുക്കപ്പെട്ടു. 234.04 സ്‌ട്രൈക്ക് റേറ്റില്‍ 330 റണ്‍സാണ് ജേക് ഫ്രേസര്‍ അടിച്ചുകൂട്ടിയത്. ഫെയര്‍ പ്ലെ അവാര്‍ഡ് സണ്‍റൈസേഴ്‌സ് ഹൈദരബാദ് സ്വന്തമാക്കി.
