ഐപിഎല്‍ 2024ല്‍ ഏറ്റവും മോശമായ രീതിയില്‍ തങ്ങളുടെ സീസണ്‍ ആരംഭിച്ച ടീമാണ് ഡല്‍ഹി ക്യാപ്പിറ്റല്‍സ് .ആദ്യ മത്സരങ്ങളില്‍ തോല്‍വിയോടെ തുടങ്ങി പോയന്റ് പട്ടികയില്‍ അവസാന സ്ഥാനക്കാരില്‍ ഒന്നായിരുന്ന ടീം പക്ഷേ ഉയര്‍ത്തെഴുന്നേറ്റു. റിഷഭ് പന്ത് ഫോമിലേക്ക് തിരിച്ചെത്തിയതിലും കൂടുതല്‍ ഡല്‍ഹിയെ സഹായിച്ചത് ഓപ്പണിംഗിലേക്ക് ഫ്രേസര്‍ മക് ഗുര്‍ക് എന്ന 22കാരന്റെ വരവാണ്. കാണുന്നതെല്ലാം തച്ചുടയ്ക്കുന്ന കാളകൂറ്റനെ കണക്കെ ആദ്യ ഓവറുകളില്‍ ആക്രമണം അഴിച്ചുവിടുന്ന മക് ഗുര്‍ക് നല്‍കുന്ന തുടക്കങ്ങളാണ് ഡല്‍ഹിയെ അപകടകാരികളാക്കിയത്.
