ഐപിഎല്‍ 2024ല്‍ 250ന് മുകളില്‍ സ്‌കോറുകള്‍ പിറക്കുന്ന മത്സരങ്ങള്‍ പതിവായിരിക്കുകയാണ്. മുംബൈ ഡല്‍ഹി പോരാട്ടത്തിലും ഡല്‍ഹി 250 റണ്‍സെന്ന മാര്‍ക്ക് മറികടന്നിരുന്നു. ജസ്പ്രീത് ബുമ്രയെന്ന മാസ്മരീക ബൗളര്‍ ഉണ്ടായിട്ടും ഡല്‍ഹി സ്‌കോര്‍ 250ന് മുകളില്‍ കുതിക്കുവാന്‍ കാരണമായത് ആദ്യ ഓവറുകളില്‍ ഡല്‍ഹി ഓപ്പണറായ ജേക് ഫ്രേസര്‍ മക് ഗുര്‍ക്ക് നടത്തിയ പ്രകടനമായിരുന്നു. വെറും 27 പന്തുകളില്‍ 11 ബൗണ്ടറികളും 6 സിക്‌സുകളും അടക്കം 84 റണ്‍സാണ് താരം നേടിയത്. ബുമ്രയ്‌ക്കെതിരെ ഒരോവറില്‍ 18 റണ്‍സ് നേടാനും മക് ഗുര്‍ക്കിന് സാധിച്ചു.
