ക്യാപ്‌റ്റനെന്ന നിലയില്‍ കോഹ്‌ലി വന്‍ പരാജയം, ധോണിയാണ് സ്‌റ്റാര്‍; ഇതാണ് തെളിവുകള്‍
ചൊവ്വ, 30 ഏപ്രില്‍ 2019 (15:13 IST)
സമകാലിക ക്രിക്കറ്റിലെ ഏറ്റവും മികച്ച താരമെന്ന പട്ടം കയ്യാളുമ്പോഴും ഐപിഎല്ലില്‍ വിരാട് കോഹ്‌ലി വന്‍ പരാജയമെന്ന് റിപ്പോര്‍ട്ട്. ഇന്ത്യന്‍ പ്രിമിയര്‍ ലീഗില്‍ ഏറ്റവും കൂടുതല്‍ പരാജയമറിയുന്ന ടീം ഇന്ത്യന്‍ ടീം ക്യാപ്‌റ്റന്‍ നയിക്കുന്ന റോയല്‍ ചലഞ്ചേഴ്‌സ് ബാംഗ്ലൂര്‍ ആണ്.
നൂറ് മത്സരങ്ങളില്‍ 90 തോല്‍‌വികളും ആര്‍ സി ബി ഏറ്റുവാങ്ങിയത് കോഹ്‌ലി ടീമിനെ നയിച്ചപ്പോഴാണ്. എന്നാല്‍, ഇന്ത്യന്‍ ക്രിക്കറ്റിലെ സൂപ്പര്‍ താരം മഹേന്ദ്ര സിംഗ് ധോണി നയിക്കുന്ന ചെന്നൈ സൂപ്പര്‍ കിംഗ്‌സാണ് ഐ പി എല്ലിനെ ഏറ്റവും മികച്ച ടീം.
ഒത്തുകളി വിവാദം മാനക്കേട് ആയെങ്കിലും മൂന്ന് തവണ ചാമ്പ്യന്മാരായ ചെന്നൈ മൂന്ന് തവണ റണ്ണറപ്പുകളും രണ്ടു തവണ പ്‌ളേ ഓഫിലും എത്തി. ഈ നേട്ടങ്ങളെല്ലാം ധോണിയെന്ന ക്യാപ്‌റ്റന്റെ തണലില്‍ സ്വന്തമാക്കി എന്നതാണ് ചെന്നൈയുടെ പ്രത്യേകത.
