എന്നാല്‍ ഐഡിഎഫിന് ഏറ്റവും ഇഷ്ടമുള്ള മൃഗമാംസം ഏതാണ്? പലരും സങ്കല്‍പ്പിച്ചതുപോലെ അത് ബീഫ് അല്ലെങ്കില്‍ ആട്ടിറച്ചി അല്ല. ഉത്തരം കോഴിയാണ്. ഐഡിഎഫില്‍ ഭൂരിഭാഗവും യഹൂദമതത്തിന്റെ ഉറച്ച അനുയായികളാണ്, അതേസമയം ഒരു ചെറിയ ന്യൂനപക്ഷം അറബ് മുസ്ലീങ്ങളാണ്. ഭക്ഷണത്തിന്റെ കാര്യത്തില്‍ ഈ രണ്ട് അബ്രഹാമിക് മതങ്ങള്‍ക്കും സമാനമായ മതപരമായ ശാസനകളുണ്ട്.
ഐ.ഡി.എഫ് പട്ടാളക്കാര്‍ക്ക് ഗോമാംസം, കോഴി, ടര്‍ക്കി, ആട്ടിന്‍കുട്ടി, ആട്, ശുദ്ധജല മത്സ്യം എന്നിവ കഴിക്കാന്‍ അനുവാദമുണ്ട്, അതേസമയം പന്നിയിറച്ചി, കക്കയിറച്ചി എന്നിവ ജൂതമതത്തിലും ഇസ്ലാമിലും കര്‍ശനമായി നിരോധിച്ചിരിക്കുന്നു. എന്നാല്‍ ഇസ്രായേലി പട്ടാളക്കാര്‍ ഇഷ്ടപ്പെടുന്ന രുചികരമായ മാംസം കോഴിയാണ്, പ്രാഥമികമായി അത് തയ്യാറാക്കാന്‍ കുറച്ച് സമയമേ വേണ്ടതുള്ളു. കൂടാതെ നല്ല രുചിയുള്ളതും, എല്ലായിടത്തും എളുപ്പത്തില്‍ ലഭ്യമാകുന്നതുമാണ്.
ലോകമെമ്പാടുമുള്ള മറ്റ് പല സൈന്യങ്ങളില്‍ നിന്ന് വ്യത്യസ്തമായി, ഇസ്രായേല്‍ പ്രതിരോധ സേന മദ്യം കഴിക്കുന്നതിന് കര്‍ശനമായ നിരോധനം ഏര്‍പ്പെടുത്തിയിട്ടുണ്ട്, കൂടാതെ ഒരു സൈനികനോ ഉദ്യോഗസ്ഥനോ സജീവ ഡ്യൂട്ടിയിലോ ക്യാമ്പിലോ ആയിരിക്കുമ്പോള്‍ ഏതെങ്കിലും തരത്തിലുള്ള മദ്യം കഴിക്കാന്‍ അനുവാദവുമില്ല. ഈ നിയമത്തിന് ഒരു ഇളവുകളും ഇല്ല.
