അമേരിക്കയില്‍ വെടിവെപ്പില്‍ 6 മരണം
അമേരിക്കയിലെ പെന്‍സില്‍വാനിയയില്‍ ആറു പേര്‍ കൊല്ലപ്പെടുകയും ഒരാള്‍ക്ക് പരിക്കേല്‍ക്കുകയും ചെയ്ത വെടിവെപ്പ് നടത്തിയ അക്രമിക്കായി പൊലീസ് തിരച്ചില്‍ ശക്തമാക്കി.
ബ്രാഡ്ലി വില്യം സ്റ്റോണ്‍ എന്ന ആളാണ് വെടിവെയ്പ്പിന് പിന്നിലെന്ന് തിരിച്ചറിഞ്ഞു. ബ്രാഡ്‌ലിയുടെ മുന്‍ഭാര്യ നിക്കോള്‍ സ്റ്റോണ്‍, അമ്മ, അമ്മൂമ്മ, സഹോദരി, സഹോദരിയുടെ ഭര്‍ത്താവ്,ഇവരുടെ പതിനാല് വയസുള്ള മകളള്‍ എന്നിവരാണ് വെടിവെയ്പില്‍ കൊല്ലപ്പെട്ടത്. ഇയാള്‍ നിക്കോളിന്റെ അപാര്‍ട്ട്മെന്റിലെത്തി വെടിയുതിര്‍ക്കുകയായിരുന്നു. കുടുംബപ്രശ്നങ്ങളാണ് അക്രമത്തിലേക്ക് നയിച്ചതെന്നാണ് റിപ്പോര്‍ട്ടുകള്‍.
