ഒക്ടോബര്‍ മാസത്തെ കമ്മിഷന്‍ നല്കാന് 29.51 കോടി രൂപ വേണമെങ്കിലും 14.46 കോടി രൂപ മാത്രമാണു ധനവകുപ്പ് അനുവദിച്ചതെന്ന് വ്യാപാരികള്‍ പറയുന്നു. ബാക്കി പണം നല്കാമെന്ന് ഇന്നലെ ഭക്ഷ്യവകുപ്പ് മന്ത്രിയുടെ ഓഫീസ് അറിയിച്ചെങ്കിലും ധനവകുപ്പില്‍ നിന്നു രേഖാമൂലം ഉറപ്പ് വേണമെന്ന് നേതാക്കള്‍ ആവശ്യപ്പെട്ടു. നിലവിലെ വേതന പാക്കേജ് തന്നെ വര്‍ധിപ്പിക്കണമെന്ന ദീര്‍ഘകാല ആവശ്യം നിലനില്‍ക്കെയാണു ലഭിച്ചു കൊണ്ടിരിക്കുന്ന വേതനം വെട്ടിച്ചുരുക്കിയതെന്നു ചൂണ്ടിക്കാട്ടിയും മുഴുവന്‍ കമ്മിഷനും നല്കണമെന്ന് ആവശ്യപ്പെട്ടും നേതാക്കള്‍ മുഖ്യമന്ത്രിക്കു നിവേദനവും നല്കി.
