മോര്‍ട്ടാര്‍ഷെല്‍ പൊട്ടിത്തെറിച്ച് മൂന്നു കുട്ടികള്‍ മരിച്ചു
പാകിസ്ഥാനില്‍ മോര്‍ട്ടാര്‍ഷെല്‍ പൊട്ടിത്തെറിച്ച് മൂന്നു കുട്ടികള്‍ മരിച്ചു. പാക് പഞ്ചാബ് പ്രവിശ്യയിലെ ഇന്ത്യന്‍ അതിര്‍ത്തിയോട് ചേര്‍ന്നുള്ള തുഹാല്‍പ്പുര ഗ്രാമത്തിലാണ് അപകടം ഉണ്ടായത്. സൈന(8), ഹുന്‍സാല(11), ഹഫീസ്(12) എന്നിവരാണ് മരിച്ചത്. പരിക്കേറ്റ ഒരു കുട്ടിയെ സൈനിക ആശുപത്രിയില്‍ പ്രവേശിപ്പിച്ചു.
കുട്ടികള്‍ കളിപ്പാട്ടമാണെന്ന് തെറ്റിദ്ധരിച്ച് മോര്‍ട്ടാര്‍ഷെല്‍ ഉപയോഗിച്ച് കളിക്കുന്നതിനിടെയാണ് സ്ഫോടനം ഉണ്ടായത്. അതേസമയം സംഘര്‍ഷ കാലത്ത് ഇന്ത്യ വിക്ഷേപിച്ചിരുന്ന മോര്‍ട്ടാര്‍ഷെല്ലാണെന്നും, കുട്ടികള്‍ മോര്‍ട്ടാര്‍ഷെല്ലിനു സമീപമത്തെിയപ്പോള്‍ അത് പൊട്ടിത്തെറിക്കുകയായിരുന്നുവെന്നും പൊലീസ് വ്യക്തമാക്കിയത്. സംഭവത്തില്‍ പാക് പ്രധാനമന്ത്രി നവാസ് ശരീഫ് അന്വേഷണത്തിന് ഉത്തരവിട്ടു.
