ഗാസയില്‍ നൂറ് പള്ളികള്‍ നിര്‍മ്മിച്ചു നല്‍കുമെന്ന് ഇന്തോനേഷ്യ. ഇന്തോനേഷ്യ മസ്ജിദ് കൗണ്‍സിലാണ് ഇക്കാര്യം അറിയിച്ചത്. റമദാന്‍ അടുത്തെത്തിയ സാഹചര്യത്തില്‍ ഗസയിലെ ജനങ്ങളുടെ ആവശ്യം മുന്‍നിര്‍ത്തിയാണ് തീരുമാനമെടുത്തതെന്ന് ഇന്തോനേഷ്യ മസ്ജിദ് കൗണ്‍സില്‍ ചെയര്‍മാന്‍ അറിയിച്ചു. ഒന്നരവര്‍ഷത്തിനിടെ ഗാസയില്‍ ആയിരത്തിലധികം പള്ളികളാണ് ഇസ്രായേല്‍ സേന നശിപ്പിച്ചത്.
ആദ്യപടിയായി 10 പള്ളികളുടെ നിര്‍മാണം ഉടന്‍ പൂര്‍ത്തിയാക്കുമെന്നും ഇതിനായി ഗാസയിലെ അധികൃതരുമായി സംസാരിച്ചിട്ടുണ്ടെന്നും അദ്ദേഹം അറിയിച്ചു, പള്ളി നിര്‍മാണത്തിന് ഇന്തോനേഷ്യയിലെ മുസ്ലിമുകള്‍ സംഭാവന നല്‍കുമെന്നാണ് പ്രതീക്ഷയെന്നും ചെയര്‍മാന്‍ കൂട്ടിച്ചേര്‍ത്തു.
