അഫ്ഗാനിസ്ഥാനുമായി കൈകോര്‍ത്ത് ചൈന: ചൈന-പാക്കിസ്ഥാന്‍ സാമ്പത്തിക ഇടനാഴി അഫ്ഗാനിസ്ഥാനിലേക്ക് നീട്ടാന്‍ തീരുമാനിച്ചു

അഫ്ഗാനിസ്ഥാനുമായി കൈകോര്‍ത്ത് ചൈന. ചൈന-പാക്കിസ്ഥാന്‍ സാമ്പത്തിക ഇടനാഴി അഫ്ഗാനിസ്ഥാനിലേക്ക് നീട്ടാന്‍ തീരുമാനിച്ചു. ഇത് സംബന്ധിച്ച് 3 രാജ്യങ്ങളും കരാറിലെത്തി. ചൈനയുടെ ആഗോള അടിസ്ഥാന സൗകര്യ വികസന പദ്ധതിയായ ബെല്‍റ്റ് ആന്‍ഡ് റോഡ് ഇനിഷ്യേറ്റീവിലെ പ്രധാന ഇടനാഴിയായ ഇത് അഫ്ഗാനിസ്ഥാനിലേക്കും നീട്ടുന്നതിലൂടെ ചൈനയ്ക്ക് കൂടുതല്‍ സ്വാധിനം ലഭിക്കും. 

അതേസമയം പാക്കിസ്ഥാന്‍ അധിനിവേശ കാശ്മീരിലൂടെ കടന്നുപോകുന്ന ചൈന-പാക്കിസ്ഥാന്‍ സാമ്പത്തിക ഇടനാഴിയെ ഇന്ത്യ ശക്തമായി വിമര്‍ശിച്ചിരുന്നു. ഇന്ത്യ -പാക്ക് ബന്ധം കൂടുതല്‍ വഷളായ സമയത്താണ് അഫ്ഗാനിസ്ഥാനും പദ്ധതിയുടെ ഭാഗമാകുന്നത്. 2015 ലാണ് ചൈന -പാക്കിസ്ഥാന്‍ സാമ്പത്തിക ഇടനാഴിയുടെ വികസനത്തിന് തുടക്കം കുറിച്ചത്.

നേരത്തെയും ഈ പദ്ധതി അഫ്ഗാനിസ്ഥാനിലേക്ക് നീട്ടാന്‍ ചൈന പദ്ധതി ഇട്ടിരുന്നു. അപ്പോഴൊന്നും അനുകൂല മറുപടിയായിരുന്നു. ഓപ്പറേഷന്‍ സിന്ദൂറില്‍ താലിബാന്‍ പാക്കിസ്ഥാനെ അനുകൂലിക്കുന്ന നിലപാട് സ്വീകരിച്ചിരുന്നില്ല.