ഒബാമയും സമ്മതിച്ചു; മോഡി പ്രവര്‍ത്തിക്കുന്ന മനുഷ്യന്‍ തന്നെ
ഇന്ത്യന്‍ പ്രധാനമന്ത്രി നരേന്ദ്ര മോഡിക്ക് അമേരിക്കന്‍ പ്രസിഡന്റ് ബറാക് ഒബാമയുടെ അഭിനന്ദനം. മോഡി പ്രവര്‍ത്തിക്കുന്ന മനുഷ്യനാണെന്നാണ് ഒബാമ ഇന്ത്യന്‍ പ്രധാനമന്ത്രിയെ ഉപമിച്ചത്.
മ്യാന്‍മാര്‍ തലസ്ഥാനമായ നയ് പി തൌവില്‍ മോഡിയുമായി നടത്തിയ കൂടിക്കാഴ്ചയിലായിരുന്നു ഒബാമയുടെ ഈ നല്ല വാക്കുകള്‍. വിദേശ കാര്യ മന്ത്രാലയ വക്താവ് സയ്യിദ് അക്ബറുദ്ദീനാണ് ഈ കാര്യം ട്വീറ്റ് ചെയ്തത്.
മ്യാന്‍മാറില്‍ നടക്കുന്ന ആസിയാന്‍ ഉച്ചകോടിക്കും കിഴക്കനേഷ്യന്‍ രാജ്യങ്ങളുടെ യോഗത്തിനുമായി എത്തുന്ന ലോക നേതാക്കള്‍ക്കായി മ്യാന്‍മാര്‍ പ്രസിഡന്റ് തേയ്ന്‍ സെയിന്‍ നടത്തിയ വിരുന്നിനിടയിലായിരുന്നു ഇരു നേതാക്കളും കൂടിക്കാഴ്ച നടത്തിയത്.
