നിയോ കോവ് എന്നത് കോവിഡ് വൈറസ് വകഭേദമല്ല. വവ്വാലുകളില്‍ മാത്രമാണ് നിയോ കോവ് ഇപ്പോള്‍ സ്ഥിരീകരിച്ചിരിക്കുന്നത്. ജനിതക വ്യതിയാനം സംഭവിച്ചാല്‍ മാത്രം മാരകമാകുന്ന വൈറസാണ് ഇത്. അതായത് വവ്വാലുകളില്‍ സ്ഥിരീകരിച്ചിരിക്കുന്ന വൈറസിന് ഇപ്പോള്‍ ഉള്ള സ്ഥിതിയില്‍ നിന്ന് ഒരു ജനിതക വ്യതിയാനം കൂടി സംഭവിച്ചാല്‍ മാത്രമേ അവയ്ക്ക് മനുഷ്യരില്‍ പ്രവേശിക്കാന്‍ സാധിക്കൂ. എങ്കില്‍ മാത്രമേ മനുഷ്യര്‍ക്കിടയില്‍ ആശങ്കപ്പെടേണ്ട സാഹചര്യം ഉണ്ടാകൂ.
