പാക്കിസ്ഥാന്‍ 61 ഇന്ത്യന്‍ മത്സ്യത്തൊഴിലാളികളെ അറസ്റ്റ് ചെയ്തു
പാക്കിസ്ഥാനില്‍ 61 ഇന്ത്യന്‍ മത്സ്യത്തൊഴിലാളികളെ പാകിസ്ഥാന്‍ മാരിടൈം സുരക്ഷാ ഏജന്‍സി പിടികൂടി. 11 ബോട്ടുകളിലായി മത്സ്യബന്ധനത്തില്‍ നടത്തുകയായിരുന്ന തൊഴിലാളികളാണ് പിടിയിലായത്. സമുദ്രാതിര്‍ത്തി ലംഘിച്ചുവെന്ന് ആരോപിച്ചാണ് ഇവരെ അറസ്റ്റ് ചെയ്തത്.
ഇവയില്‍ 8 ബോട്ടുകള്‍ ഗുജറാത്തിലെ പോര്‍ബന്തര്‍ ഹാര്‍ബറില്‍ നിന്നും മറ്റുള്ളവ ഓഖ, മംഗ്റോള്‍ എന്നിവിടങ്ങളില്‍ നിന്നും പോയവയാണെന്നാണ് റിപ്പോര്‍ട്ടുകള്‍.ഇവര്‍ക്കെതിരെ രാജ്യാന്തര നിയമപ്രകാരവും മത്സ്യബന്ധന നിയമപ്രകാരവും കേസെടുത്തതായാണ് റിപ്പോര്‍ട്ടുകള്‍.
