യുഎസ് പ്രസിഡന്റ് ബരാക് ഒബാമ രഹസ്യമായി തലച്ചോര്‍ ശസ്ത്രക്രിയയ്ക്ക് വിധേയനായോ? യുഎസിലെ ബ്ലോഗര്‍മാരാണ് ഒബാമ ഗൌരവതരമായ ശസ്ത്രക്രിയയ്ക്ക് വിധേയനായി എന്ന വാര്‍ത്ത പ്രചരിപ്പിക്കുന്നത്.
യുഎസ് പ്രസിഡന്റിന്റെ ഉച്ചി മുതല്‍ വലത് ചെവി വരെ നീളുന്ന ഒരു മുറിപ്പാടാണ് അദ്ദേഹം രഹസ്യമായി തലച്ചോര്‍ ശസ്ത്രക്രിയയ്ക്ക് വിധേയനായി എന്ന വാര്‍ത്ത പ്രചരിക്കാനുള്ള കാരണം. ഒബാമയുടെ മുറിപ്പാട് വ്യക്തമാക്കുന്ന രീതിയിലുള്ള ചിത്രങ്ങള്‍ സഹിതമാണ് ബ്ലോഗര്‍മാര്‍ സ്വന്തം വാദഗതി സമര്‍ത്ഥിക്കുന്നത്.
യഥാര്‍ത്ഥത്തില്‍ ഒബാമ തലച്ചോര്‍ ശസ്ത്രക്രിയയ്ക്ക് വിധേയനായോ? ശസ്ത്രക്രിയയ്ക്ക് ശേഷം ഒബാമയ്ക്ക് സ്വാഭാവിക രീതിയിലുള്ള ചിന്താശേഷി ഉണ്ടോ? എന്നിങ്ങനെ നിരവധി ചോദ്യങ്ങളാണ് ബ്ലോഗര്‍മാര്‍ ഉന്നയിക്കുന്നത്.
എന്നാല്‍, ഒബാമ തലച്ചോര്‍ ശസ്ത്രക്രിയയ്ക്ക് വിധേയനായി എന്ന വാര്‍ത്ത വൈറ്റ്‌ഹൌസ് പാടേ നിഷേധിച്ചിരിക്കുകയാണ്.
