അഫ്ഗാന്‍ തലസ്ഥാനമായ കാബൂളില്‍ താലിബാന്‍ നടത്തിയ ആക്രമണത്തില്‍ പത്ത് പേര്‍ മരിച്ചു. 200ഓളം പേരെ തീവ്രവാദികള്‍ ബന്ദികളാക്കിയതായി ഔദ്യോഗിക വൃത്തങ്ങള്‍ സ്ഥിരീകരിച്ചു. കാബൂളിന് സമീപത്തുള്ള തക്കാര്‍ ബഡാഖഷാന്‍ തുടങ്ങിയ പ്രവിശ്യകളിലേക്ക് സര്‍വ്വീസ് നടത്തുകയായിരുന്ന ബസ്സുകള്‍ കേന്ദ്രീകരിച്ചാണ് തീവ്രവാദികള്‍ ആക്രമണം നടത്തിയത്. അതേസമയം ബന്ധികളാക്കിയവരില്‍ കുറച്ചുപേരെ രക്ഷപ്പെടുത്താന്‍ കഴിഞ്ഞിട്ടുണ്ട്. എന്നാല്‍ നിരവധി പേര്‍ ഇനിയും തടവിലുണ്ടെന്നാണ് ലഭിക്കുന്ന വിവരം.
