സംഗീതാരാധകരുടെയും യുവാക്കളുടേയും ആരാധന സ്പൈസ് ഗേള്‍ സുന്ദരി വിക്ടോറിയാ ബെക്കാമിനോടാണ്. വിക്ടോറിയയെ സ്വന്തമാക്കിയ ഫുട്ബോള്‍ താരം ഡേവിഡ് ബെക്കാമിനോട് ഇംഗ്ലീഷ് യുവാക്കള്‍ക്ക് അസൂയ തന്നെയുണ്ട്. എന്നാല്‍ വിക്ടോറിയയുടെ ഇഷ്ട താരമാരെന്ന് അറിയേണ്ടെ? ഹോളീവുഡ് താരം ജാക്ക് നിക്കോള്‍സണോട്
ഹോളിവുഡ് കൊമേഡിയനോടുള്ള പോഷിന്‍റെ ആരാധന പറഞ്ഞറിയിക്കാന്‍ വയ്യെന്ന് അവര്‍ തന്നെ വ്യക്തമാക്കുന്നു. ഒരു അമേരിക്കന്‍ മാസികയ്ക്കായുള്ള ഫോട്ടോ ഷൂട്ടിനു നിക്കോള്‍സണു വസ്ത്രങ്ങള്‍ തെരഞ്ഞെടുക്കുന്നത് പോഷാണ്. എഴുപതുകാരനായ താരത്തോടൊപ്പം ഫോട്ടോസെഷനായി പലയിടങ്ങളില്‍ കറങ്ങാനും പോഷ് തീരുമാനിച്ചു കഴിഞ്ഞു.
നിക്കോള്‍സണൊപ്പം ജോലി ചെയ്യാന്‍ കഴിയുക എന്നത് തന്നെ സന്തോഷിപ്പിക്കുന്ന ഒന്നാണെന്ന് വച്ചു കാച്ചാനും പോഷ് മറക്കുന്നില്ല. താന്‍ നിക്കോള്‍സന്‍റെ ഒരു കടുത്ത ആരാധികയാണെന്നും നിക്കോള്‍സണൊപ്പം ജോലിചെയ്യാന്‍ കഴിയുന്നത് തന്നെ അങ്ങേയറ്റം സന്തോഷിപ്പിക്കുന്നുവെന്നുമാണ് പോഷ് ഒരു മാസികയില്‍ വച്ചു കാച്ചിയത്.
എന്തായാലും ഈ അവസരം ബെക്കാമിന്‍റെ പ്രിയ ഭാര്യയ്‌ക്ക് ലഭിക്കുക തന്നെ ചെയ്തു. ലെറെന്‍സോ ആഗ്വിസ് എന്ന ഫോട്ടോ ഗ്രാഫറാണ് ഈ ഫോട്ടോഷൂട്ടിന് അവസരമുണ്ടാക്കിയിരിക്കുന്നത്. ഫോട്ടോ ഷൂട്ടിനു വേണ്ടി ഒരു പ്രത്യേകതരം വസ്ത്രമാണ് വിക്ടോറിയ തെരഞ്ഞെടുക്കുന്നത്. പോഷിന്‍റെ വാചകമടി അല്‍പ്പം കൂടിപ്പോകുന്നുണ്ടോ?