Sex in Women: സ്ത്രീകളിലും പുരുഷന്‍മാരിലും വളരെ വ്യത്യസ്തമായ രീതിയിലാണ് ലൈംഗികതയോടുള്ള താല്‍പര്യങ്ങള്‍ കുടികൊള്ളുന്നത്. അതുകൊണ്ട് തന്നെ കിടപ്പറയില്‍ എത്തുമ്പോള്‍ പങ്കാളിയെ നന്നായി മനസ്സിലാക്കുകയാണ് ഓരോരുത്തരും നിര്‍ബന്ധമായും ചെയ്യേണ്ടത്. സെക്‌സിനിടെ സ്ത്രീ ശരീരത്തില്‍ തൊടാന്‍ പാടില്ലാത്ത ചില സ്ഥലങ്ങളുണ്ട്. അഥവാ അത്തരം സ്ഥലങ്ങളില്‍ തൊടാന്‍ ആഗ്രഹിക്കുന്നുണ്ടെങ്കില്‍ അത് പങ്കാളി കൂടി ഇഷ്ടപ്പെടുന്നുണ്ടോ എന്ന് ചോദിച്ചറിയണം. കാരണം ശരീരത്തിലെ ചില ഭാഗങ്ങളില്‍ പങ്കാളി തൊടുന്നത് ഭൂരിഭാഗം സ്ത്രീകളും ഇഷ്ടപ്പെടുന്നില്ലെന്നാണ് പഠനം.
പുരുഷ ലിംഗം ഗര്‍ഭാശയ മുഖത്തോട് അടുക്കുകയാണെങ്കില്‍ ഉടന്‍ പൊസിഷന്‍ മാറ്റണം. ഗര്‍ഭാശയ മുഖത്തോട് ലിംഗം അടുക്കുന്നത് പല സ്ത്രീകള്‍ക്കും ഇഷ്ടമല്ല. അപ്പോള്‍ അവര്‍ ലൈംഗികതയോട് വിരക്തി പ്രകടിപ്പിക്കാന്‍ തുടങ്ങും. ചില സ്ത്രീകള്‍ ക്ലിറ്റോറിസിന്റെ മുകള്‍ഭാഗത്ത് സ്പര്‍ശിക്കുന്നത് ഇഷ്ടപ്പെടുന്നില്ല. അങ്ങനെയെങ്കില്‍ ക്ലിറ്റോറിസിനു ചുറ്റുമുള്ള ഭാഗങ്ങളില്‍ മാത്രം ശ്രദ്ധ പതിപ്പിക്കുക. ഗുദം അഥവാ മലദ്വാരം വഴിയുള്ള സെക്‌സും വലിയൊരു ശതമാനം സ്ത്രീകളും ഇഷ്ടപ്പെടുന്നില്ല. മലദ്വാര ഭാഗത്തെ സ്പര്‍ശം, മലദ്വാരത്തിലൂടെയുള്ള ലിംഗപ്രവേശം എന്നിവ സ്ത്രീകളില്‍ വിരക്തി ഉളവാക്കിയേക്കാം. സ്ത്രീകള്‍ക്ക് താല്‍പര്യമുണ്ടെങ്കില്‍ മാത്രമേ ഇത്തരം പൊസിഷനുകള്‍ ട്രൈ ചെയ്യാവൂ.
