ഓറഞ്ച് ജ്യൂസ് ശരീരത്തിൽ പുരട്ടിയാല്‍ പലതുണ്ട് നേട്ടം; തൊലി വലിച്ചെറിയും മുമ്പ് ഇക്കാര്യങ്ങള്‍ അറിയണം!
ഗുണങ്ങൾ നിരവധിയുളള ഓറഞ്ച് കഴിക്കാത്തവരായി ആരു തന്നെയില്ല. വിറ്റാമിൻ സിയുടെയും കാത്സ്യത്തിന്റെയും ഏറ്റവും മികച്ച ശേഖരമാണ് ഓറഞ്ചിലുളളത്. നിത്യവും ഓറഞ്ച് കഴിക്കുന്നത് വഴി ശരീരത്തിനകത്തും പുറത്തുമുള്ള അലർജികള തടയാൻ സാധിക്കും എന്നതും ഓറഞ്ചിന്റെ മറ്റൊരു ഗുണമാണ്.
ഓറഞ്ച് ജ്യൂസ് ശരീരത്തിൽ പുരട്ടുന്നതും നല്ലതാണ്. ഓറഞ്ചിന്റെ തൊലിക്കും ഏറെ ഗുണഫലങ്ങളുണ്ട്. ഇതുപോലെ തന്നെ ഏറെ പ്രത്യേകതകൾ അവകാശപ്പെടാനുണ്ട് ഓറഞ്ചിന്റെ കുരുവിനും
വിറ്റാമിൻ സിയിൽ സമ്പന്നമായ ഓറഞ്ചിന്റെ കുരു ശരീരത്തിന്റെ മെറ്റബോളിസത്തെ സഹായിക്കുന്നു. ധാരാളം ഫൈബർ അടങ്ങിയ ഓറഞ്ചിന്റെ കുരു ഡയറ്റിനെ സഹായിക്കും. ആന്റി ഓക്സിഡന്റുകൾ ധാരാളമടങ്ങിയ ഓറഞ്ചിന്റെ കുരു ശരീരം ബലപ്പെടുത്തുമെന്ന് പഠനങ്ങൾ വ്യകതമാക്കുന്നു.
ബ്ലഡ് പ്രഷർ നിയന്ത്രിക്കുന്നതിലും ഹീമോഗ്ലോബിൻ ഉൽപ്പാദിപ്പിക്കുന്നതിലും നിർണ്ണായക പങ്കാണ് ഓറഞ്ചിന്റെ കുരു വഹിക്കുന്നത്. എന്നാൽ ഓറഞ്ചിന്റെ കുരു കഴിക്കുന്നത് നല്ലതല്ലെന്ന് ചിലർ പറയാറുണ്ട്. എന്നാൽ ഇത് ഒരു തെറ്റിദ്ധാരണമാത്രമാണെന്ന് പഠനങ്ങൾ പറയുന്നു.
