തലയുടെയും കഴുത്തിന്റെയും പിന്‍ഭാഗത്ത് വേദന വിവിധ കാരണങ്ങളാല്‍ ഉണ്ടാകാം. അമിതമായ അധ്വാനം മൂലമോ ദീര്‍ഘനേരം ഇരിക്കുന്നത് മൂലമോ പേശികള്‍ക്ക് ബുദ്ധിമുട്ട് അനുഭവപ്പെടുന്നതിലൂടെ ഇത്തരത്തിലുള്ള വേദന ഉണ്ടാകാം. മൈഗ്രെയ്ന്‍, ടെന്‍ഷന്‍ എന്നിവയും തലയുടെ പിന്‍ഭാഗത്ത് വേദനയ്ക്ക് കാരണമാകും.
കൂടാതെ, സെര്‍വികോജെനിക് തലവേദന അല്ലെങ്കില്‍ ക്ലസ്റ്റര്‍ തലവേദന പോലുള്ള അവസ്ഥകള്‍ തലയുടെയും കഴുത്തിന്റെയും പിന്‍ഭാഗത്ത് വേദനയോടൊപ്പം ഉണ്ടാകാം. ഇത് സ്ഥിരീകരിക്കാന്‍ വിശദമായ പരിശോധന വേണ്ടിവരും. ടെന്‍ഷന്‍ തലവേദന പലപ്പോഴും തലയുടെ മുന്‍വശത്ത് ഇരുവശത്തും ബാധിക്കുകയും കഴുത്ത് ഭാഗത്തെ പേശികളില്‍ മുറുക്കവും സമ്മര്‍ദ്ദവുമായി അനുഭവപ്പെടും. ഇതിനു വിപരീതമായി, മൈഗ്രെയിനുകള്‍ തലയുട ഒരുവശത്തുമാത്രമായി വരുന്ന വേദനയാണ്. ഇത് മിതമായതോ തീവ്രതയേറിയതോ ആകാം.
ഇതിനോടൊപ്പം പലപ്പോഴും ഓക്കാനം, പ്രകാശത്തോടുള്ള സംവേദനക്ഷമത, ശബ്ദം തുടങ്ങിയ അധിക ലക്ഷണങ്ങളും ഉണ്ടാകുകയും ചെയ്യും. സ്റ്റാറ്റ്‌സ്‌പേള്‍സ് പബ്ലിഷിംഗ് പ്രകാരം, ലോകജനസംഖ്യയുടെ അഞ്ചിലൊന്ന് പേരെയും ടെന്‍ഷന്‍ തലവേദന ബാധിക്കുന്നുവെന്നാണ് പറയുന്നത്. മറുവശത്ത്, മൈഗ്രെയ്ന്‍ തലവേദന വളരെ സാധാരണമാണ്, ഇത് ജനസംഖ്യയുടെ ഏകദേശം 12% പേരെ ബാധിക്കുന്നു.
