കൂടാതെ ഒറ്റപ്പെട്ടുള്ള ജീവിതവും ഏകാന്തതയും കോര്‍ട്ടിസോളിന്റെ അളവ് കൂടുന്നതിനും ടെന്‍ഷനും കാരണമാകും. മറ്റൊന്ന് നെഗറ്റീവായിട്ടുള്ള ചിന്താഗതിയാണ്. ഇലക്ട്രോണിക് ഉപകരണങ്ങളുടെ അമിത ഉപയോഗവും കോര്‍ട്ടിസോളിന്റെ അളവ് കൂട്ടും. പ്രത്യേകിച്ചും ഫോണിന്റെ ഉപയോഗം. ഇത് ഉറക്കത്തെയും ബാധിക്കുന്നു. മദ്യപാനവും ശരീരത്തില്‍ കോര്‍ട്ടിസോളിന്റെ അളവ് ഉയര്‍ത്തുന്നു. സ്ഥിരമായി കോര്‍ട്ടിസോള്‍ ലെവല്‍ ശരീരത്തില്‍ ഉയര്‍ന്നുനിന്നാല്‍ അത് രോഗപ്രതിരോധ സംവിധാനത്തെ തകര്‍ക്കും. കൂടാതെ വിഷാദരോഗത്തിനും ഉത്കണ്ഠാരോഗത്തിനും കാരണമാകും. പ്രമേഹം, ഓട്ടോ ഇമ്യൂണ്‍ ഡിസോര്‍ഡര്‍ എന്നിവയ്ക്കും കാരണമാകും.
