Tottnhham Hotspur ends 17 years trophy drought with europa league
പരിശീലകനായുള്ള രണ്ടാം സീസണില്‍ തന്നെ ടോട്ടന്നം ഹോട്ട്‌സ്പറിനെ യുവേഫ യൂറോപ്പ ലീഗ് ചാമ്പ്യന്മാരാക്കി ഏഞ്ചെ പോസ്റ്റെകോഗ്ലു. മികച്ച താരങ്ങളുണ്ടായിട്ടും ഇംഗ്ലീഷ് പ്രീമിയര്‍ ലീഗിലും യുവേഫ ലീഗുകളിലും ഒരു കിരീടനേട്ടം പോലും സ്വന്തമാക്കാനാവാതെ കഷ്ടപ്പെട്ടിരുന്ന ടോട്ടന്നത്തിലേക്ക് പൊസ്റ്റെകോഗ്ലു പരിശീലകനായെത്തിയപ്പോള്‍ രണ്ടാം സീസണില്‍ കപ്പ് അടിക്കുമെന്ന വാഗ്ദാനം കോച്ച് നല്‍കിയിരുന്നു. ഇതാണ് യൂറോപ്പ വിജയത്തോടെ യാഥാര്‍ഥ്യമായത്. ഫൈനലില്‍ മാഞ്ചസ്റ്റര്‍ യുണൈറ്റദിനെ 1-0ന് തോല്‍പ്പിച്ച ടോട്ടന്നം 2008ന് ശേഷം ആദ്യമായാണ് ഒരു കിരീടം ഉയര്‍ത്തുന്നത്.
