മുംബൈ സിറ്റി–കേരള ബ്ലാസ്​റ്റേഴ്‌സ് പോരാട്ടം ഇന്ന്

കേരള ബ്ലാസ്‌റ്റേഴ്‌സ് മുംബയ് എഫ്‌സി പോരാട്ടം ഇന്ന്. നവിമുംബൈയിലെ ഡിവൈ പാട്ടീൽ സ്റ്റേഡിയത്തിലാണ് മത്സരം. ജയിച്ചാൽ ഗോവക്കും ഡൽഹി ഡൈനാമോസിനും എതിരെയുള്ള ശേഷിക്കുന്ന പോരാട്ടങ്ങൾക്ക് അത് ആത്മവിശ്വാസം പകരും. ജയം മാത്രം ലക്ഷ്യമാക്കിയാണ് അനൽക്കയുടെ ടീം ബൂട്ടുക്കെട്ടുക. പട്ടികയിൽ 12 പോയൻറുമായി മുംബൈ ഏഴാം സ്​ഥാനത്തും 11 പോയൻറുമായി കേരളം എട്ടാം സ്​ഥാനത്തുമാണ്.

ഈമാസം 15ന് നോർത്ത് ഈസ്റ്റിനെ 4-1ന് തകർത്തതിന് ശേഷം ചെന്നൈയിൻ എഫ്.സിയോട് അതേ മാർജിനിൽ തോറ്റതാണ് ബ്ളാസ്റ്റേഴ്സിന് തിരിച്ചടിയായത്. ഈ മത്സരത്തിന് മുമ്പ് ബ്ളാസ്റ്റേഴ്സിന് പിന്നിലായിരുന്ന ചെന്നൈയിൻ കഴിഞ്ഞ ദിവസം ഡൽഹി ഡൈനാമോസിനെ 4-0ത്തിന് തോൽപ്പിച്ച് അഞ്ചാംസ്ഥാനത്തുവരെ എത്തിയിട്ടുണ്ട്. ബ്ളാസ്റ്റേഴ്സ് ഇപ്പോൾ ഏറ്റവും പിന്നിൽ എട്ടാം സ്ഥാനത്താണ്.