ദ്രോഗ്‌ബെ അമേരിക്കന്‍ സോക്കര്‍ ലീഗ് വിടുന്നുവെന്ന് വ്യക്തമായതോടെ ഐഎസ്എല്‍ ക്ലബുകളും ഇന്ത്യയിലേ ഫുട്‌ബോള്‍ ആരാധകരും പ്രതീക്ഷയിലാണ്. കേരള ബ്ലാസ്റ്റേഴ്‌സിന്റെ വിവിധ ഫാന്‍സ് ഗ്രൂപ്പുകളിലാണ് ഇക്കാര്യം സജീവ ചര്‍ച്ചയായിരിക്കുന്നത്.
ഭാവി തീരുമാനിച്ചിട്ടില്ലെന്നും ലീഗിലെ അവശേഷിക്കുന്ന രണ്ട് മത്സരങ്ങളിലേക്കാണ് ഉറ്റുനോക്കുന്നതെന്നുമാണ് ദ്രോഗ്‌ബെ പറയുന്നത്. ഈ സാഹചര്യത്തില്‍ ഈ സൂപ്പര്‍ താരത്തെ ഇന്ത്യയില്‍ എത്തിക്കണമെന്നാണ് ആരാധകരുടെ ആവശ്യം.
ചെല്‍സിയില്‍ നിന്ന് 2015ലാണ് ദ്രോഗ്‌ബെ അമേരിക്കന്‍ ലീഗിലെത്തിയത്. അവിടെ ഇതുവരെ 33 മത്സരം കളിക്കുകയും 27 ഗോളുകള്‍ നേടുകയും ചെയ്‌തു. ചെല്‍സിയെ ചാംപ്യന്‍സ് ലീഗ് കിരീടമണിയിച്ച താരമാണ് അദ്ദേഹം.
