റഷ്യയില്‍ ഇറ്റലിയില്ലാത്ത ലോകകപ്പ്; ആ​രാ​ധ​ക​രോ​ട് ക്ഷ​മ ചോ​ദി​ക്കു​ന്നുവെന്ന് ബ​ഫ​ണ്‍ - സൂപ്പര്‍ താരം ബൂ​ട്ട​ഴി​ച്ചു

റഷ്യന്‍ ലോകകപ്പിന് ടിക്കറ്റ് ലഭിക്കാതെ വന്നതോടെ ഇറ്റലിയുടെ ഗോ​ള്‍​കീ​പ്പ​ര്‍ ജി​യാ​ന്‍ ലൂ​ജി ബ​ഫ​ണ്‍ രാ​ജ്യാ​ന്ത​ര ഫു​ട്ബോ​ളി​ല്‍ നി​ന്ന് വി​ര​മി​ച്ചു. മിലാനില്‍ നടന്ന യൂറോപ്യന്‍ മേഖലാ പ്ലേ ഓഫിന്റെ രണ്ടാം പാദത്തില്‍ സ്വീഡനോട് സമനിലയില്‍ കുടുങ്ങിയതോടെയാണ് ലോക ഫുട്‌ബോളിലെ വമ്പന്മാരായ അസൂറികളുടെ പ്രതീക്ഷറ്റത്.

ടീമിന്റെ പ്രകടനത്തില്‍ നിരാശയുണ്ടെന്നും ഇ​റ്റാ​ലി​യ​ൻ ഫു​ട്ബോ​ൾ ആ​രാ​ധ​ക​രോ​ട് ക്ഷ​മ ചോ​ദി​ക്കു​ന്നുവെന്നും വി​ര​മി​ക്ക​ൽ പ്ര​ഖ്യാ​പി​ച്ച് 39കാരനായ ബ​ഫ​ൺ പ​റ​ഞ്ഞു. 20 വ​ർ​ഷം നീ​ണ്ട രാ​ജ്യാ​ന്ത​ര ക​രി​യ​റി​നാ​ണ് ബ​ഫ​ൺ വി​രാ​മം കു​റി​ച്ച​ത്.

മഞ്ഞക്കാര്‍ഡുകളുടെ അതിപ്രസരം കണ്ട മല്‍സരത്തില്‍ സ്വീഡനോട് ഗോളടിക്കാന്‍ മറന്നാണ് ഇറ്റലിക്ക് വിനയായത്. ആദ്യ പാദത്തില്‍ ഒരു ഗോളിന്റെ കടവുമായി ഇറങ്ങിയ അസൂറികള്‍ക്കായി ആരാധകര്‍ ആര്‍ത്തുവിളിച്ചെങ്കിലും ഗോള്‍ മാത്രം പിറന്നില്ല. ഇതോടെ ഇരുപാദങ്ങളിലുമായി 1–0നു പിന്നിലായ ഇറ്റലി പുറത്തായി. ആദ്യപാദത്തിൽ സ്വീഡൻ 1-0ന് ജയിച്ചിരുന്നു.

ആറു പതിറ്റാണ്ടിനിടെ ഇത് ആദ്യമായാണ് ഇറ്റലി ലോകകപ്പിന് യോഗ്യത നേടാനാവാതെ പോകുന്നത്.