യുവേഫ പ്ലെയർ ഓഫ് ദ ഇയർ ചുരുക്കപട്ടിക പുറത്ത്, ഡി ബ്രൂയിൻ,ജോർജീഞ്ഞോ,കാന്റെ എന്നിവർ ലിസ്റ്റിൽ
കഴിഞ്ഞ സീസണിലെ ഏറ്റവും മികച്ച താരത്തിനുള്ള പ്ലെയര്‍ ഓഫ് ദ ഇയര്‍ പുരസ്‌കാരത്തിനുള്ള ചുരുക്കപ്പട്ടിക യുവേഫ പുറത്തുവിട്ടു. ഈ മാസം 26ന് ഇസ്‌താംബൂളിലാണ് പുരസ്‌കാരം പ്രഖ്യാപിക്കുക. മാഞ്ചസ്റ്റര്‍ സിറ്റിയുടെ കെവിന്‍ ഡിബ്രൂയിന്‍, ചെല്‍സിയുടെ ജോര്‍ജീഞ്ഞോ, എന്‍ഗോളോ കാന്റെ എന്നിവരാണ് ചുരുക്കപ്പട്ടികയിൽ ഇടം പിടിച്ചിട്ടുള്ളത്.
ലീകെ മെര്‍ട്ടന്‍സ്, അലക്‌സിയ പ്യുറ്റേയാസ്, ജെനിഫര്‍ ഹെര്‍മോസോ എന്നിവരാണ് വനിതാ പ്ലെയര്‍ ഓഫ് ദ ഇയറിനുള്ള ചുരുക്കപ്പട്ടികയില്‍ ഇടംപിടിച്ചത്.മൂന്ന് പേരും ബാഴ്‌സലോണയുടെ താരങ്ങളാണ്. മികച്ച പരിശീലകനായുള്ള മത്സരത്തിൽ ഇറ്റലിയെ യൂറോപ്യന്‍ ചാംപ്യന്മാരാക്കിയ റോബര്‍ട്ടോ മാന്‍ചീനി, ചെല്‍സിയെ ചാംപ്യന്‍സ് ലീഗ് ജേതാക്കളാക്കിയ തോമസ് ടുഷേല്‍, മാഞ്ചസ്റ്റര്‍ സിറ്റിയെ പ്രിമിയര്‍ ലീഗ് കിരീടത്തിലെത്തിച്ച പെപ് ഗാര്‍ഡിയോള എന്നിവരാണുള്ളത്.
