അതേസമയം, കങ്കുവ നിരാശപ്പെടുത്തിയെന്ന് അഭിപ്രായമുള്ളവരും ഉണ്ട്. സിനിമയില്‍ മുഴുവന്‍ വലിയ ശബ്ദകോലാഹലങ്ങള്‍ ആണെന്നും അതുകൊണ്ട് തന്നെ പ്രേക്ഷകനു തലവേദനയുണ്ടാക്കുമെന്നുമാണ് സിനിമ ഇഷ്ടപ്പെടാത്ത ഒരാള്‍ കുറിച്ചത്. സൂര്യയുടെ പ്രകടനം മാറ്റിനിര്‍ത്തിയാല്‍ മറ്റൊന്നും സിനിമയില്‍ ഇല്ലെന്നും ഇയാള്‍ പറയുന്നു.
ശിവയ്ക്കൊപ്പം ആദി നാരായണ, മധന്‍ കര്‍കി എന്നിവര്‍ ചേര്‍ന്നാണ് കങ്കുവയുടെ രചന. സൂര്യക്കൊപ്പം ബോബി ദിയോള്‍, ദിശ പട്ടാണി എന്നിവരും ശ്രദ്ധേയമായ വേഷങ്ങള്‍ അവതരിപ്പിച്ചിരിക്കുന്നു. വെട്രി പളനസ്വാമിയാണ് ഛായാഗ്രഹണം. സംഗീതം ദേവി ശ്രീ പ്രസാദ്.
