പ്രേക്ഷകരെ നിരാശപ്പെടുത്തി മഞ്ജു വാരിയര്‍ ചിത്രം ജാക്ക് & ജില്‍. വന്‍ താരനിര അണിനിരന്ന ചിത്രം സംവിധാനം ചെയ്തിരിക്കുന്നത് സന്തോഷ് ശിവനാണ്. ഉറുമിക്ക് ശേഷം സന്തോഷ് ശിവന്‍ സംവിധാനം ചെയ്യുന്ന ചിത്രമായതിനാല്‍ പ്രേക്ഷകര്‍ക്ക് വലിയ പ്രതീക്ഷയുണ്ടായിരുന്നു. എന്നാല്‍, പ്രേക്ഷകരുടെ പ്രതീക്ഷകളെ തൃപ്തിപ്പെടുത്താന്‍ ചിത്രത്തിനു സാധിച്ചില്ലെന്നാണ് പുറത്തുവരുന്ന റിപ്പോര്‍ട്ടുകള്‍.
താരങ്ങളുടെ പ്രകടനത്തിലേക്ക് വന്നാല്‍ അവിടേയും നിരാശയാണ് ഫലം. മഞ്ജു വാരിയര്‍, സൗബിന്‍ ഷാഹിര്‍, കാളിദാസ് ജയറാം, ഇന്ദ്രന്‍സ്, നെടുമുടി വേണു തുടങ്ങി പേരുകേട്ട അഭിനേതാക്കള്‍ ചിത്രത്തിലുണ്ട്. എന്നാല്‍, പ്രേക്ഷകരെ സീറ്റില്‍ പിടിച്ചിരുത്താന്‍ ഇവര്‍ക്ക് ആര്‍ക്കും സാധിച്ചിട്ടില്ല. സൗബിന്റെ പ്രകടനം പ്രേക്ഷകരെ അങ്ങേയറ്റം നിരാശപ്പെടുത്തിയെന്നും റിപ്പോര്‍ട്ടുകളില്‍ പറയുന്നു.
