തമിഴ് സിനിമയിൽ റിലീസിനായി അണിനിരന്നിരിക്കുന്ന പ്രോജക്റ്റുകളുടെ നീണ്ട പട്ടികയിൽ ഏറെ പ്രതീക്ഷയോടെ കാത്തിരിക്കുന്ന ഒന്നാണ് വിക്രമിന്റെ ‘കോബ്ര’. ‘ഇമൈക്കാ നൊടികള്‍’ എന്ന ചിത്രത്തിലൂടെ പ്രശസ്‌തനായ അജയ് ജ്ഞാനമുത്തു സംവിധാനം ചെയ്ത ഈ സിനിമ ഒന്നിലധികം രാജ്യങ്ങളിലായി ചിത്രീകരിച്ച വലിയ ബജറ്റ് ത്രില്ലറാണ്. വിക്രം ഒട്ടേറെ ലുക്കുകളിൽ ചിത്രത്തിൽ പ്രത്യക്ഷപ്പെടും.
ശ്രീനിധി ഷെട്ടിയാണ് കോബ്രയിലെ നായിക. കെ എസ് രവികുമാർ, റോഷൻ മാത്യു, മിയ ജോർജ്, മാമുക്കോയ, സർജാനോ ഖാലിദ്, മണികണ്ഠൻ ആചാരി, മൃണാളിനി രവി തുടങ്ങി നിരവധി പേർ അഭിനയിക്കുന്നു.
