തനിക്കു സിഗരറ്റ് വലിക്കുന്ന കഥാപാത്രം ആയി അഭിനയിക്കാന്‍ ഉള്ള ബുദ്ധിമുട്ടു കൊണ്ടാണ് അത് ചെയ്യാത്തത് എന്നാണ് ചാക്കോച്ചന്‍ പറയുന്നത്.ആ കഥാപാത്രം ചെയ്തു ഫലിപ്പിക്കാന്‍ തനിക്കു കഴിയില്ലെന്നും തോന്നി.ജീവിതത്തില്‍ സിഗരറ്റ് വലിക്കാത്ത താന്‍, ചെയിന്‍ സ്‌മോക്കര്‍ ആയി അഭിനയിച്ചാല്‍ ആരോഗ്യ പ്രശ്‌നം വരെ ഉണ്ടാവുമെന്നും ഷൂട്ടിംഗ് പോലും വിചാരിച്ച സമയത്തു തീരില്ലെന്നും അവരോട് പറഞ്ഞിരുന്നു. അങ്ങനെയാണ് വേറെ ആളിലേക്കു സിനിമ പോയതെന്ന് കുഞ്ചാക്കോബോബന്‍ അഭിമുഖത്തിനിടെ പറഞ്ഞു.
