'ഉലകനായകന്‍ കമല്‍ ഹാസന്‍ സാറിനൊപ്പം അഭിനയിക്കുന്നത് എന്നെ സംബന്ധിച്ചിടത്തോളം ഒരു സ്വപ്ന സാക്ഷാത്കാരമാണ്. ഞാന്‍ അഭിനയത്തിലേക്ക് എത്താന്‍ തന്നെ കാരണം അദ്ദേഹമാണ്. 'വിക്രം' തീര്‍ച്ചയായും കൈതിയേക്കാള്‍ വലിയ സിനിമയായിരിക്കും. ഓഗസ്റ്റ് മുതല്‍ ഞാന്‍ എന്റെ ഭാഗങ്ങളുടെ ഷൂട്ടിംഗ് ആരംഭിക്കും.'- ഒരു അഭിമുഖത്തില്‍ നരേന്‍ പറഞ്ഞു.
നടന്‍ ഫഹദ് ഫാസിലും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.ആന്റണി വര്‍ഗ്ഗീസ്, അര്‍ജുന്‍ ദാസ് തുടങ്ങിയവരും വിക്രമില്‍ ഉണ്ടെന്നാണ് പറയപ്പെടുന്നത്. ഗിരീഷ് ഗംഗാധരന്‍ ഛായാഗ്രഹണം നിര്‍വഹിക്കുന്നു.അനിരുദ്ധ് രവിചന്ദര്‍ ചിത്രത്തിനായി സംഗീതമൊരുക്കുന്നു.
