ഇന്ത്യയില്‍ ഇല്ല, ഹൃദയത്തിലെ ഓഡിയോ കാസറ്റ് എത്തുന്നത് ജപ്പാനില്‍ നിന്ന്, പുതിയ വിശേഷങ്ങളുമായി വിനീത് ശ്രീനിവാസന്‍
15ഓളം ഗാനങ്ങളുമായാണ് വിനീത് ശ്രീനിവാസന്റെ ഹൃദയം പ്രേക്ഷകരിലേക്കെത്തുന്നത്. എന്നും ഹൃദയത്തോട് സൂക്ഷിക്കാവുന്ന പാട്ടുകള്‍ ചിത്രത്തിലുണ്ടെന്ന് സൂചന കല്യാണി പ്രിയദര്‍ശന്‍ നല്‍കിയിരുന്നു. ഓരോ ദിവസവും ചിത്രത്തിലെ ഓരോ ഗാനങ്ങളോടാണ് ഇഷ്ടം തോന്നുന്നതെന്ന് നടി പറഞ്ഞിരുന്നു.സിനിമയിലൂടെ ഓഡിയോ കാസറ്റ് ടേപ്പുകള്‍ തിരികെ കൊണ്ടുവരുമെന്ന് വിനീത് ശ്രീനിവാസന്‍ അറിയിച്ചിരുന്നു.
'തിങ്ക് മ്യൂസിക്കിലെ ടീമിനൊപ്പം നിന്ന് ഒരു ലിസണിംഗ് സെഷന്‍ ഉണ്ടായിരുന്നു. ഞങ്ങള്‍ എല്ലാവരും ഒരു ഇരുണ്ട മുറിയില്‍ ഇരുന്നു, എല്ലാ മാസ്റ്റേര്‍ഡ് ട്രാക്കുകളും അവലോകനം ചെയ്തു. നാളെ ഞങ്ങള്‍ ഫൈനല്‍ മാസ്റ്റര്‍ റെക്കോര്‍ഡ് ലേബലിന് കൈമാറും. ഓഡിയോ കാസറ്റ് നിര്‍മ്മാണം നമ്മുടെ രാജ്യത്ത് കാലഹരണപ്പെട്ടതിനാല്‍, ജപ്പാനിലെ ഒരു കാസറ്റ് നിര്‍മ്മാതാക്കളുമായി പങ്കുചേരാനും അവിടെ നിന്ന് പകര്‍പ്പുകള്‍ ഇറക്കുമതി ചെയ്യാനും തിങ്ക് മ്യൂസിക് തീരുമാനിച്ചു.
