സിനിമ റിലീസിന് മുന്നേ തമിഴ് രസികർ മൻട്രം എല്ലാ ജില്ലയിലും പുനഃ സംഘടിപ്പിക്കപ്പെടുക, പത്തോളം ഫാൻസ്‌ ഷോകൾ ആഴ്ചകൾക്കു മുന്നേ ഉറപ്പിക്കുക, അതിന്റെ ആദ്യ ടിക്കറ്റ് സംസ്ഥാനത്ത ഒരു മുതിർന്ന മന്ത്രി തന്നെ ഏറ്റു വാങ്ങുക തുടങ്ങി സ്വപ്ന സമാനമായ തുടക്കമാണ് ഇപ്പോൾ ലഭിച്ചിരിക്കുന്നത്.
ചിത്രത്തിലെ നായികമാരിൽ ഒരാളായ അഞ്ജലി അമീറിനും വൻ വരവേൽപ്പാണ് ലഭിക്കുന്നത്. ആദ്യമായി ഒരു ട്രാൻസ്‌ജെൻഡർ നായികയാകുന്ന എന്ന പ്രത്യേകതയും പേരൻപിനുണ്ട്. ഇപ്പോൾ സിനിമയുടെ പ്രചാരണത്തിന് ട്രാൻസ്‌ജെണ്ടറുകളും ആരാധകർക്കൊപ്പം കൂടിയിട്ടുണ്ട്. കോയമ്പത്തൂരിലെ മമ്മൂട്ടി ഫാൻസ്‌ പ്രവർത്തകരോട് ചേർന്നാണ് ഇവരുടെയും പ്രവർത്തനം.
