കാതലന്‍, മിസ്റ്റര്‍ റോമിയോ, കാതലാ കാതലാ, മിന്‍സാരക്കനവ്, ലവ് ബേര്‍ഡ്സ്, വി ഐ പി തുടങ്ങി ഒട്ടേറെ ഹിറ്റ് ചിത്രങ്ങളില്‍ പ്രഭുദേവ നായകനായിട്ടുണ്ട്. പിന്നീട് അദ്ദേഹം സംവിധാനത്തില്‍ ശ്രദ്ധ കേന്ദ്രീകരിക്കുകയും ബോളിവുഡിലെ ഏറ്റവും താരമൂല്യമുള്ള സംവിധായകനായി മാറുകയും ചെയ്തു.
പ്രഭുദേവ - എ എല്‍ വിജയ് ചിത്രത്തില്‍ നയന്‍‌താര നായികയാകുമോ എന്ന സംസാരം കോളിവുഡില്‍ പരന്നിട്ടുണ്ട്. മുന്‍‌കാമുകനായ ചിമ്പുവിനൊപ്പം നായികയായി അഭിനയിക്കാന്‍ തയ്യാറായ നയന്‍സ്, പ്രഭുദേവയുടെ കാര്യത്തില്‍ ആ നിലപാടെടുക്കുമോ എന്നാണ് തമിഴകം ഉറ്റുനോക്കുന്നത്.
മദ്രാസപ്പട്ടിണം, കിരീടം, ദൈവത്തിരുമകള്‍, തലൈവാ തുടങ്ങിയ ഹിറ്റ് ചിത്രങ്ങള്‍ ഒരുക്കിയ എ എല്‍ വിജയ് ഇപ്പോള്‍ ‘ഇത് എന്ന മായം’ എന്ന സിനിമയുടെ തിരക്കിലാണ്. വിക്രംപ്രഭു നായകനായ ആ സിനിമ പ്രദര്‍ശനത്തിന് തയ്യാറായിക്കഴിഞ്ഞു.
