ഗ്രേറ്റ്ഫാദര്‍ വളരെ ഗൌരവമുള്ള ഒരു സിനിമയായിരുന്നു. കസബയും അതീവ ഗൌരവമുള്ള ഒരു കഥയാണ് പറഞ്ഞത്. സമീപകാലത്ത് തോപ്പില്‍ ജോപ്പനാണ് ചിരിപ്പിക്കാനെത്തിയ മമ്മൂട്ടിച്ചിത്രം. എന്നാലിതാ, പൊട്ടിച്ചിരിപ്പിക്കാന്‍ ഒരു മമ്മൂട്ടിച്ചിത്രം കൂടി എത്തുന്നു.
“ഹ്യൂമര്‍ സബ്‌ജക്ടാണ്. തൃശൂരിലെ ഗുണ്ടാ ഗ്യാംഗുകളെ ചുറ്റിപ്പറ്റിയുള്ള കഥ. കോട്ടയം കുഞ്ഞച്ചന്‍, രാജമാണിക്യം ഫ്ലേവറിലുള്ളതാകും. മമ്മുക്ക ഒരു കോമഡി ഗുണ്ടയായിട്ടാകും എത്തുക” - ഒരു സിനിമാമാഗസിന് അനുവദിച്ച അഭിമുഖത്തില്‍ ഒമര്‍ വ്യക്തമാക്കിയിരുന്നു.
