‘വേതാളം’ എന്ന സിനിമ ഇറങ്ങിയ സമയത്ത് തല അജിത്ത് അന്നത്തെ മുഖ്യമന്ത്രി ജയലളിതയുമായി ഒരു കൂടിക്കാഴ്ച നടത്തിയിരുന്നു. സംസാരത്തിനിടെ, അജിത്തിന് അമിതമായി തടി കൂടുന്നു എന്നും ശ്രദ്ധിക്കണമെന്നും ജയലളിത അജിത്തിനോട് പറഞ്ഞത്രേ. എന്തായാലും തമിഴകത്തിന്‍റെ അമ്മ പറഞ്ഞ ആ നിര്‍ദ്ദേശം ഹൃദയം കൊണ്ട് ഉള്‍ക്കൊണ്ട അജിത്ത് ഇപ്പോള്‍ അതിന് പരിഹാരം കണ്ടിരിക്കുകയാണ്.
അജിത്തിന്‍റെ പുതിയ സിനിമയായ ‘വിവേകം’ ആദ്യ പോസ്റ്റര്‍ പുറത്തുവന്നപ്പോള്‍ തമിഴകവും അജിത് ആരാധകരും ഞെട്ടി. സിക്സ് പാക് ലുക്കിലാണ് അജിത് ആ പോസ്റ്ററില്‍ പ്രത്യക്ഷപ്പെട്ടിരിക്കുന്നത്. എന്നാല്‍ അജിത്തിന്‍റെ ഈ ലുക്ക് കാണാന്‍ തമിഴകത്തിന്‍റെ അമ്മ ജീവിച്ചിരിക്കുന്നില്ല എന്നതാണ് അജിത് ആരാധകരെ ദുഃഖിതരാക്കുന്നത്.
‘വിവേക’ത്തിന്‍റെ റിലീസ് ഡേറ്റ് തീരുമാനിച്ചിട്ടില്ല. വീരം, വേതാളം എന്നീ അജിത് സിനിമകള്‍ സംവിധാനം ചെയ്ത ശിവ തന്നെയാണ് വിവേകവും സംവിധാനം ചെയ്തിരിക്കുന്നത്. അനിരുദ്ധാണ് സംഗീതം.