തുടര്‍ പരാജയങ്ങളില്‍ നിന്ന് കരകയറാന്‍ നടന്‍ നിവിന്‍ പോളി. വെബ് സീരീസിലൂടെ പഴയ പ്രതാപം വീണ്ടെടുക്കാനുള്ള ശ്രമത്തിലാണ് നടന്‍. ഡിസ്‌നി പ്ലസ് ഹോട്ട് സ്റ്റാറുമായി ചേര്‍ന്നുള്ള പുതിയ വെബ് സീരീസ് 'ഫാര്‍മ' ഒരുങ്ങുകയാണ്.പി. ആര്‍ അരുണ്‍ സംവിധാനം ചെയ്യുന്ന സീരീസിനായി കാത്തിരിക്കുകയാണ് സിനിമാലോകം. ചിത്രീകരണം പൂര്‍ത്തിയായി.
ഫാര്‍മ പറയാനിരിക്കുന്നത് യഥാര്‍ത്ഥ സംഭവ കഥയാണെന്നാണ് വിവരം.അഭിനന്ദന്‍ രാമനുജമാണ് വെബ്‌സീരീസിന് ഛായാഗ്രഹണമൊരുക്കുന്നത്. ഉണ്ടാ, ജെയിംസ് ആന്റ് ആലീസ് എന്നീ ചിത്രങ്ങളുടെ നിര്‍മ്മാതാവ് കൃഷ്ണന്‍ സേതുകുമാര്‍ ആണ് വെബ്‌സീരീസ് നിര്‍മ്മിക്കുന്നത്.
