ഒരൊറ്റ സിനിമ കാരണം സൗത്ത് ഇന്ത്യ മുഴുവൻ അറിയപ്പെടുന്ന താരമായി മാറിയവരിൽ തെലുങ്ക് താരം വിജയ് ദേവരകൊണ്ടയുമുൺട്. അർജുൻ റെഡ്ഡി എന്ന ചിത്രം ഭാഷകൾ കടന്ന് യാത്രയാവുകയും വമ്പൻ ഹിറ്റായി മാറുകയും ചെയ്തു. അര്‍ജുന്‍ റെഡ്ഡിയുടെ ഹിന്ദി പതിപ്പായ കബീര്‍ സിംഗ് അടുത്തിടെയായിരുന്നു തിയ്യേറ്ററുകളിലേക്ക് എത്തിയിരുന്നത്.
അർജുൻ റെഡ്ഡിയുടെ ഹിന്ദി പതിപ്പായ കബീർ സിംഗിനെ കുറിച്ച് ഒരു ചടങിനിടെ അവതാരകൻ അഭിപ്രായം ചോദിച്ചപ്പോൾ ഞാനെന്തിനു ആ പടം കാണണം എന്നായിരുന്നു വിജയുടെ മറുപടി. "ഷാഹിദ് ആ ചിത്രം ചെയ്തു. ആ കഥാപാത്രത്തിലൂടെ അദ്ദേഹം സഞ്ചരിച്ചു. അതിന് ഞാന്‍ വീണ്ടും ആ ചിത്രം കാണേണ്ടതില്ല. എനിക്ക് സിനിമയുടെ കഥ അറിയാം. ഞാന്‍ ആ ചിത്രം ചെയ്തതാണ്. പിന്നെ എന്തിന് ആ സിനിമ ഞാന്‍ വീണ്ടും കാണണം.' - വിജയ് ചോദിച്ചു.
