കൈയില്‍ സിഗരറ്റുമായി മാസ് ലുക്കിലാണ് ഉണ്ണി മുകുന്ദനെ ടൈറ്റില്‍ പോസ്റ്ററില്‍ കാണുന്നത്. ഹനീഫ് അദേനിയുടെ തന്നെ മുന്‍ ചിത്രമായ മിഖായേലില്‍ ഉണ്ണി മുകുന്ദന്‍ അവതരിപ്പിച്ച വില്ലന്‍ കഥാപാത്രത്തിന്റെ പേരാണ് മാര്‍ക്കോ. ഈ കഥാപാത്രത്തെ നായകനാക്കിയാണ് ഹനീഫ് അദേനി ഇപ്പോള്‍ സിനിമ ഒരുക്കുന്നത്. നിവിന്‍ പോളിയായിരുന്നു മിഖായേലില്‍ നായകന്‍.
മിഖായേല്‍ ബോക്‌സ്ഓഫീസില്‍ പരാജയപ്പെട്ടെങ്കിലും ഉണ്ണി മുകുന്ദന്റെ വില്ലന്‍ വേഷം ശ്രദ്ധിക്കപ്പെട്ടിരുന്നു. ' അദ്ദേഹത്തിന്റെ വില്ലനിസം നിങ്ങള്‍ കണ്ടു, ഇനി ഹീറോയിസത്തിനു സാക്ഷ്യം വഹിക്കൂ' എന്ന ക്യാപ്ഷനോടെയാണ് ഹനീഫ് അദേനി മാര്‍ക്കോയുടെപോസ്റ്റര്‍ പങ്കുവെച്ചത്.
