7 സിനിമകളാണ് ഇന്നും നാളെയുമായി പ്രദര്‍ശനത്തിന് എത്തുന്നത്.
ടോവിനോ തോമസിന്റെ 'അജയന്റെ രണ്ടാം മോഷണം',ആസിഫ് അലിയുടെ പുതിയ സിനിമയാണ് കിഷ്‌കിന്ധാ കാണ്ഡം തുടങ്ങിയ സിനിമകള്‍ ഇന്ന് പ്രദര്‍ശനത്തിനെത്തി. നാളെയും മലയാള സിനിമയ്ക്ക് വലിയ റിലീസുകളുണ്ട്.
മമ്മൂട്ടിയുടെ ടര്‍ബോ എന്ന സിനിമയ്ക്ക് ശേഷം രാജ് ബി ഷെട്ടി അഭിനയിക്കുന്ന 'കൊണ്ടല്‍'വലിയ പ്രതീക്ഷയോടെയാണ് സിനിമ പ്രേമികള്‍ നോക്കി കാണുന്നത്.ആന്റണി വര്‍ഗീസ് നായകനായി ചിത്രം നിരവധി ആക്ഷന്‍ രംഗങ്ങള്‍ കൊണ്ട് സമ്പന്നമാണ്. ആന്റണിയും രാജ് ബി ഷെട്ടിയും തമ്മിലുള്ള വന്‍ ആക്ഷന്‍ രംഗങ്ങള്‍ സിനിമയില്‍ ഉണ്ടാകും. ചിത്രം നാളെ മുതല്‍ പ്രദര്‍ശനം ആരംഭിക്കും.
ഓണക്കാലം കളര്‍ഫുള്‍ ആക്കാനായി സംവിധായകന്‍ ഒമര്‍ലുലുവും സംഘവും എത്തുന്നു.റഹ്‌മാന്‍, ധ്യാന്‍ ശ്രീനിവാസന്‍, ഷീലു ഏബ്രഹാം എന്നിവര്‍ പ്രധാനകഥാപാത്രങ്ങളെ അവതരിപ്പിക്കുന്ന 'ബാഡ് ബോയ്‌സ്' നാളെ മുതല്‍ തിയേറ്ററുകളിലേക്ക്.
