രണ്ടരവര്‍ഷമായി സൂര്യ ഈ സിനിമയുടെ പുറകെ, കാര്‍ത്തിക് സുബ്ബരാജ് ചിത്രത്തെക്കുറിച്ചുള്ള പ്രതീക്ഷകള്‍, പുതിയ വിവരങ്ങള്‍
'സ്നേഹവും ചിരിയും യുദ്ധവും' എന്ന ടാഗ് ലൈനോടെയാണ് പ്രഖ്യാപനം വന്നത്.
ഇപ്പോള്‍ രണ്ടര വര്‍ഷമായി സൂര്യയുമായി സംസാരിക്കുന്നുവെന്ന് ചിത്രത്തിന്റെ നിര്‍മ്മാതാക്കളിലൊരാളായ കാര്‍ത്തികേയന്‍ സന്താനം പറഞ്ഞു.
'ഞങ്ങള്‍ ഇപ്പോള്‍ രണ്ടര വര്‍ഷമായി സൂര്യയുമായി സംസാരിക്കുന്നു. അപ്പോഴാണ് പ്രാഥമിക സംഭാഷണം ആരംഭിച്ചത്. എന്നാല്‍ പിന്നീട്, കാര്‍ത്തിയും സൂര്യയും മറ്റ് പ്രോജക്റ്റുകളുടെ തിരക്കിലായിരുന്നു. അവര്‍ സഹകരിക്കാനുള്ള ശരിയായ സമയം തേടുകയായിരുന്നു, ഒപ്പം ഒരുമിച്ച് പ്രവര്‍ത്തിക്കാന്‍ എപ്പോഴും താല്‍പ്പര്യമുള്ളവരായിരുന്നു.
കുറച്ച് സമയമെടുത്തു, പക്ഷേ ഇപ്പോള്‍ സിനിമ യാഥാര്‍ത്ഥ്യമായി.
പദ്ധതിയുടെ പ്രഖ്യാപനം ഇന്‍ഡസ്ട്രിയിലെ എല്ലാവരെയും ഞെട്ടിച്ചു.ഞങ്ങള്‍ ഈ വാര്‍ത്തകള്‍ വളരെ രഹസ്യമായും സൂക്ഷിച്ചു.',-കാര്‍ത്തികേയന്‍ പറയുന്നു.
