തനിക്ക് എഡിഎച്ച്ഡി രോഗമുണ്ടെന്ന് തുറന്നുപറഞ്ഞ് നടന്‍ ഷൈന്‍ ടോം ചാക്കോ. ആളുകളുടെ ശ്രദ്ധ പിടിച്ചുപറ്റണമെന്ന തരക്കാരാണ് ഈ രോഗമുള്ളവര്‍. തന്നെ സംബന്ധിച്ച് ഇത് ഗുണമായി മാറുകയായിരുന്നുവെന്നും നടന്‍ പറഞ്ഞു. ഇങ്ങനെ ആളുകളുടെ ശ്രദ്ധ പിടിച്ചു പറ്റുക എന്നതിലൂടെയാണ് ഒരു ആക്ടര്‍ ഉണ്ടാകുന്നത്. എല്ലാവര്‍ക്കും അതിലൊരംശം ഉണ്ട്. വസ്ത്രം മാറുന്നതും പുറത്തേക്ക് പോകുന്നതുമൊക്കെ ആരെങ്കിലും ഒക്കെ കാണും എന്നുള്ളത് കൊണ്ടാണ്. ഈ അവസ്ഥ ഉള്ളവരില്‍ അതിന്റെ അളവ് കൂടുതലായിരിക്കും.
ആളുകള്‍ ശ്രദ്ധിക്കണം എന്ന ചിന്ത കൂടുതലായിരിക്കും. എന്നാല്‍ ഇതൊക്കെ ഡിസോഡര്‍ ആയി പുറത്തുള്ളവര്‍ക്ക് മാത്രമേ തോന്നു. തന്നെ സംബന്ധിച്ച് ഏറ്റവും നല്ല ഗുണമാണ്, കറ നല്ലതാണ് എന്ന് പറയുന്നതുപോലെയാണ് ഇതും എന്നാണ് ഷൈന്‍ പറയുന്നത്.
