ദുബായില്‍ അവസാന ഷെഡ്യൂളിനായി മമ്മൂട്ടി എത്തിയപ്പോള്‍ ആസിഫ് അലിയും ദുബായില്‍ തന്നെയുണ്ട്. ഇരുവരും ഒന്നിച്ചുള്ള ചിത്രങ്ങളും ഇതിനോടകം പുറത്തുവന്നിട്ടുണ്ട്. റോഷാക്കിലെ അതിഥി വേഷം ചെയ്യാനാണ് ആസിഫ് അലി ദുബായില്‍ എത്തിയതെന്നാണ് സ്ഥിരീകരിക്കാത്ത റിപ്പോര്‍ട്ട്. സംവിധായകന്‍ നിസാം ബഷീറുമായുള്ള അടുപ്പത്തിന്റെ പേരിലാണ് ആസിഫ് റോഷാക്കില്‍ അഭിനയിക്കാന്‍ തിരക്കുകള്‍ മാറ്റിവെച്ച് ദുബായിലേക്ക് എത്തിയതെന്നാണ് വിവരം. ക്ലൈമാക്‌സിലാണ് ആസിഫ് അലിയുടെ റോളെന്നും റിപ്പോര്‍ട്ടുണ്ട്.
