'ക്ലാസ്‌മേറ്റ്‌സ്' ടീം, ലോക്ക് ഡൗണ്‍ ഒന്നും രണ്ടും തമ്മിലുള്ള വ്യത്യാസത്തെക്കുറിച്ച് പൃഥ്വിരാജ്

കെ ആര്‍ അനൂപ്

ശനി, 15 മെയ് 2021 (16:06 IST)
സിനിമ തിരക്കുകള്‍ നിന്ന് ഒഴിഞ്ഞ് താരങ്ങളെല്ലാം വീട്ടിലാണ്. പ്രിയ സുഹൃത്തുക്കളെ ഒരു നോക്ക് കാണുവാന്‍ വീഡിയോ കോള്‍ അല്ലാതെ മറ്റൊരു മാര്‍ഗം ഇപ്പോള്‍ ഇല്ല. ജയസൂര്യ, പൃഥ്വിരാജ്, ഇന്ദ്രജിത്ത്,നരേന്‍ വീണ്ടും ഒരുമിച്ച് മൊബൈല്‍ സ്‌ക്രീനുകളില്‍ എത്തി. കഴിഞ്ഞ വര്‍ഷം ലോക്ക് ഡൗണ്‍ സമയത്ത്, വീഡിയോ കോളില്‍ നാലുപേര്‍ക്കും സമാനമായ രീതിയില്‍ സംസാരിച്ചിരുന്നു. അന്ന് പൃഥ്വിരാജ് ജോര്‍ദാനില്‍ കുടുങ്ങിക്കിടക്കുകയായിരുന്നു. വീണ്ടുമൊരു അടച്ചിടല്‍ കാലം വേണ്ടിവന്നു നാലുപേരും സിനിമ തിരക്കുകളില്‍ നിന്നൊഴിഞ്ഞ് ഇതുപോലെ  ഫ്രീയായി കാണുവാന്‍. 
 
പൃഥ്വിരാജിന്റെ വാക്കുകളിലേക്ക് 
 
'കഴിഞ്ഞ വര്‍ഷത്തെ ലോക്ക് ഡൗണ്‍, ഞങ്ങള്‍ സമാനമായ ഒരു സ്‌ക്രീന്‍ഷോട്ട് ഇട്ടു. ഇത്തവണത്തെ വ്യത്യാസം, മരുഭൂമിയുടെ മധ്യത്തില്‍ നിന്ന് വ്യത്യസ്തമായി കുടുംബത്തോടൊപ്പം വീട്ടിലിരിക്കുന്നതില്‍ ഞാന്‍ ഭാഗ്യവാനാണ്, കൂടാതെ ഒരു വര്‍ഷം മുമ്പുള്ള സമയത്തേക്കാള്‍ കഠിനമായ പോരാട്ടമാണ് ഇന്ത്യ നടത്തുന്നത്. ഇത് ചെയ്യുന്നത് ഞങ്ങള്‍ ആസ്വദിക്കുന്നിടത്തോളം, അടുത്ത തവണ ഇത് തെരഞ്ഞെടുക്കപ്പെട്ടതെ ഇരിക്കട്ടെ എന്ന് ഞങ്ങള്‍ പ്രതീക്ഷിക്കുന്നു. വീട്ടില്‍ തന്നെ തുടരുക. സുരക്ഷിതമായി ഇരിക്കുക. ക്ലാസ്‌മേറ്റ്‌സ്'- പൃഥ്വിരാജ് കുറിച്ചു.
 
സൂപ്പര്‍ഹിറ്റ് ചിത്രമായ 'ക്ലാസ്‌മേറ്റ്‌സ്' ടീം വീണ്ടും ഒന്നിച്ച് കണ്ടതിന്റെ ആവേശത്തിലാണ് ആരാധകര്‍.

വെബ്ദുനിയ വായിക്കുക

അനുബന്ധ വാര്‍ത്തകള്‍