ജയസൂര്യ ശങ്കർ ടീമിന്റെ പുതിയ ചിത്രമായ പ്രേതത്തിന്റെ പ്രൊമോ വീഡിയോ പുറത്തിറങ്ങി. 'പ്രേതം പണിതുടങ്ങി' എന്നറിയിച്ച് ജയസൂര്യ തന്നെയാണ് ഇക്കാര്യം ഫെയ്സ്ബുക്കിലൂടെ അറിയിച്ചത്. ഹൊറർ ചിത്രമെന്ന ലേബലിലെത്തുന്ന ചിത്രത്തിന്റെ ചിത്രീകരണം കൊച്ചിയിൽ ആരംഭിച്ചതായാണ് വിവരം.
സു സു സുധി വാത്മീകം എന്ന ചിത്രത്തിന് ശേഷം രഞ്ജിത്തും ജയസൂര്യയും ഒന്നിക്കുന്നു എന്ന പ്രത്യേകത കൂടി ചിത്രത്തിനുണ്ട്. ജയസൂര്യക്കൊപ്പം അജു വര്‍ഗീസും ചിത്രത്തില്‍ ഒരു പ്രധാന വേഷത്തില്‍ എത്തുന്നുണ്ട്. ജോണ്‍ ഡോണ്‍ ബോസ്കോ എന്നാണത്രേ ജയസൂര്യ അവതരിപ്പിക്കുന്ന കഥാപത്രത്തിന്റെ പേര്.
തന്റെ മറ്റുള്ള ചിത്രങ്ങളിലെ പോലെ ഒരു കഥാപാത്ര കേന്ദ്രീകൃത ചിത്രമല്ല പ്രേതമെന്ന് സംവിധായകന്‍ രഞ്ജിത്ത് ശങ്കര്‍ പറയുന്നു. എന്നാല്‍ മലയാള സിനിമയില്‍ ഇതുവരെ ഉണ്ടായിട്ടുള്ള മറ്റ് ഹൊറര്‍ ചിത്രങ്ങളില്‍ നിന്നും വ്യത്യസ്തമായ ഒന്നായിരിക്കും പ്രേതം.