അനുഷ്‌ക ഷെട്ടി വലിയൊരു തിരിച്ചു വരവിന്റെ പാതയിലാണ്. 'മിസ് ഷെട്ടി മിസ്റ്റര്‍ പൊലിഷെട്ടി'എന്ന പേരിട്ടിരിക്കുന്ന ചിത്രത്തില്‍ നായികയാണ് താരം. ഷെഫായി നടി വേഷമിടും.മഹേഷ് ബാബു പി സംവിധാനം ചെയ്യുന്ന സിനിമയുടെ ട്രെയിലര്‍ ഇന്ന് വൈകുന്നേരം 6:30ന് പുറത്തുവരുമെന്ന് നടി അറിയിച്ചു.കണ്ണുകള്‍ നനയാതെ തിയേറ്ററുകളില്‍ നിന്ന് പുറത്തിറങ്ങാന്‍ ആവില്ലെന്ന് അനുഷ്‌ക ഷെട്ടി പറഞ്ഞു. പ്രേക്ഷകരെ ചിരിപ്പിക്കുന്ന ഘടകങ്ങളും ചിത്രത്തില്‍ ആവോളം ഉണ്ടാകും. സെപ്റ്റംബര്‍ ഏഴിനാണ് റിലീസ്.
