അല്‍ഫോണ്‍സ് പുത്രന്റെ അടുത്ത സിനിമ തമിഴില്‍, പാന്‍-ഇന്ത്യന്‍ കാസ്റ്റ്, പുതിയ വിവരങ്ങള്‍

സംവിധായകന്‍ അല്‍ഫോണ്‍സ് പുത്രന്‍ പ്രേമം എന്ന ചിത്രത്തിലൂടെ തമിഴ് സിനിമ പ്രേമികള്‍ക്കിടയിലും ആരാധകരെ ഉണ്ടാക്കി. തന്റെ അടുത്ത സിനിമയുടെ ജോലികളിലേക്ക് അദ്ദേഹം കടക്കുന്നു. ഒരു തമിഴ് ചിത്രമായാണ് ഇത്തവണത്തെ വരവ്.

 ''ഇതൊരു റൊമാന്റിക് ചിത്രമായിരിക്കും. ഞങ്ങള്‍ ഇപ്പോള്‍ കാസ്റ്റിംഗ് ഘട്ടത്തിലാണ്, 10-12 ദിവസത്തിനുള്ളില്‍ അഭിനേതാക്കളെയും അണിയറപ്രവര്‍ത്തകരെയും പ്രഖ്യാപിക്കും.'-ചിത്രത്തിന്റെ നിര്‍മ്മാതാവ് രാഹുല്‍ പറയുന്നു.

പാന്‍-ഇന്ത്യന്‍ കാസ്റ്റ് ചിത്രത്തില്‍ ഉണ്ടാകും. ഏപ്രില്‍ അവസാനത്തോടെ ചിത്രീകരണം ആരംഭിക്കും.