മോഡലിങ്ങിൽനിന്നും സിനിമയിലേക്ക് ചുവടുവച്ച താരമാണ് നർഗീസ് ഫക്രി. കിംഗ് ഫിഷറിന്റെ മോഡലായി എത്തിയതോടെയാണ് നർഗീസ് ശ്രദ്ധിക്കപ്പെടുന്നത്. പിന്നീട് ഇംതിയാസ് അലി സംവിധാനം ചെയ്ത രൺബീർ ചിത്രം റോക്സ്റ്റാറിലൂടെ ബോളിവുഡിലേക്ക് അരങ്ങേറ്റം. എന്നാൽ സിനിമയി എത്തും മുൻപ് മോഡലിങ് ചെയ്യുന്ന കാലത്ത് അഡൾട്ട് മാഗസിനായ പ്ലേബോയിയിൽ നഗ്ന ഫോട്ടോ ഷൂട്ടിന് മോഡലാവാൻ ക്ഷണം വന്നിരുന്നു എന്ന് വെളിപ്പെടുത്തിയിരിക്കുകയാണ് താരം ഇപ്പോൾ.
മോഡലിങ്ങിൽ സജീവമായിരുന്ന കാലത്ത് പ്ലേ ബോയ് മാസികക്ക് ഒരു മോഡലിനെ ആവശ്യമുണ്ട് എന്ന് എന്റെ ഏജന്റാണ് അറിയിച്ചത്. പ്ലേബോയിയുടെ കോളേജ് എഡിഷന് വേണ്ടിയുള്ള ഫോട്ടോഷൂട്ടിലേക്ക് എന്നെ തിരഞ്ഞെടുത്തിട്ടുണ്ട് എന്ന് ഏജന്റ് പറഞ്ഞു. വലിയ തുക പ്രതിഫലമായി വാഗ്ദാനം ചെയ്തു. പക്ഷേ നഗ്ന ഫോട്ടോ ഷൂട്ടിനാണ് ക്ഷണം എന്ന് അറിഞ്ഞപ്പോൾ ആ വലിയ ഓഫർ ഞാൻ നിരസിക്കുകയാ‍യിരുന്നു.
വലിയ ഓഫറിന് നന്ദി, പക്ഷേ ഞാനിപ്പോൾ നല്ല രീതിയിലാണ് മുന്നോട്ടുപോകുന്നത് എന്നായിരുന്നു എന്റെ മറുപടി. മുൻ പോൺ താരം ബ്രിട്ടണി ഡി ലാ മോറയുമായുള്ള അഭിമുഖത്തിലാണ് താരം ഇക്കാര്യങ്ങൾ വെളിപ്പെടുത്തിയത്. ന്യുയോർക്കിൽ ജനിച്ചു വളർന്ന നർഗീസ് 16ആം വയസ് മുതൽ മോഡലിങ്ങിൽ സജീവമാണ് കിംഗ് ഫിഷറിന്റെ മോഡലായതാണ് താരത്തിന് റോക്സ്റ്റാറിലേക്കുള്ള വഴിയൊരുക്കിയത്.
