ദിലീപിന്റെ ഹിറ്റ് ചിത്രങ്ങളിൽ ഒന്നാണ് പാസഞ്ചർ. ചിത്രത്തിലെ അഭിഭാഷകനേയും മാധ്യമപ്രവർത്തകയേയും മാത്രമല്ല ഡ്രൈവർ വേഷം ചെയ്ത നെടുമുണി വേണുവിനേയും പ്രേക്ഷകർ ഇരുകൈയും നീട്ടി സ്വീകരിച്ചിരുന്നു. എന്നാൽ ഈ കഥാപാത്രത്തിന് വേണ്ടി ആദ്യം ഉദ്ദേശിച്ചിരുന്നത് സുരാജ് വെഞ്ഞാറമൂടിനെയായിരുന്നുവെന്ന് സംവിധായകൻ രഞ്ജിത് ശങ്കർ പറയുന്നു.
ആദ്യം ഞാനും ശ്രീനിവാസനും ഈ കഥാപാത്രത്തിലേക്ക് സുരാജ് വെഞ്ഞാറമൂടോ അങ്ങനെ ആരെയെങ്കിലുമാണ് ആലോചിച്ചിരുന്നത്. അപ്പോൾ ദിലീപാണ് നെടുമുടി വേണുവിന്റെ പേര് പറഞ്ഞത്. ഈ കഥാപാത്രത്തിന് വയസനും ചൊറിയനുമായ ഒരാളാണ് നല്ലതെന്നും നെടുമുടി വേണുവായിരിക്കും കഥാപാത്രത്തിന് ചേരുന്നതെന്നും ദിലീപ് നിർദ്ദേശിക്കുകയായിരുന്നു' - രഞ്ജിത് ശങ്കർ വെളിപ്പെടുത്തി
