അതീവ ഗ്ലാമറസ് ലുക്കില്‍ മലയാളത്തിന്റെ പാര്‍വതി തിരുവോത്ത്. ഫിലിം ഫെയര്‍ അവാര്‍ഡ്‌സ് വേദിയിലാണ് ബോളിവുഡ് നടിമാരെ തോല്‍പ്പിക്കുന്ന ലുക്കില്‍ പാര്‍വതി പ്രത്യക്ഷപ്പെട്ടത്. താരത്തിന്റെ ചിത്രങ്ങളും വീഡിയോയും സോഷ്യല്‍ മീഡിയയില്‍ വൈറലായിട്ടുണ്ട്.
ഫ്‌ളോറല്‍ ഗ്ലിറ്റര്‍ ഹെവി വര്‍ക്കുള്ള സ്ലീവ്ലെസ് കറുപ്പ് ഫ്രോക്കാണ് പാര്‍വതിയുടെ ഓട്ട്ഫിറ്റ്. മരങ്ങളും പുക്കളും പക്ഷികളും അടക്കം പ്രകൃതിയുടെ മനോഹാരിത മുഴുവന്‍ ഉള്‍പ്പെടുന്നതാണ് ഫ്രോക്കിന്റെ ഡിസൈന്‍. ഡീപ്പ് വീ നെക്കാണ്.
അതേസമയം പാര്‍വതിയുടെ ചിത്രങ്ങള്‍ക്ക് താഴെ നിരവധി പേരാണ് വിമര്‍ശനങ്ങളും ട്രോളുകളുമായി എത്തിയിരിക്കുന്നത്. വയനാട് ഉരുള്‍പൊട്ടല്‍ ദുരന്തത്തെ തുടര്‍ന്ന് നാട് മുഴുവന്‍ വേദനിച്ചിരിക്കുമ്പോള്‍ ഇങ്ങനെയൊരു 'ഷോ ഓഫ്' വേണമായിരുന്നോ എന്നാണ് പലരും ചോദിച്ചിരിക്കുന്നത്. വയനാടിനൊപ്പം നില്‍ക്കേണ്ട സമയമാണിതെന്നും ബാക്കി ആഘോഷങ്ങള്‍ പിന്നെ മതിയെന്നും അഭിപ്രായപ്പെടുന്നവരും ഉണ്ട്.
