പ്രണവ് മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്യുന്ന 'വര്‍ഷങ്ങള്‍ക്ക് ശേഷം'ചിത്രീകരണം പൂര്‍ത്തിയായി. 40 ദിവസത്തെ ഷൂട്ട് ഉണ്ടായിരുന്നു. ധ്യാന്‍ ശ്രീനിവാസനും പ്രണവ് മോഹന്‍ലാലും ഉള്‍പ്പെടെയുള്ളവര്‍ അവസാനദിന ചിത്രീകരണത്തിലും ഭാഗമായി. വിജയകരമായി ഷൂട്ടിംഗ് പൂര്‍ത്തിയായ സന്തോഷത്തില്‍ ടീമിലെ എല്ലാവരോടും വിനീത് ശ്രീനിവാസന്‍ നന്ദി പറഞ്ഞു.
ധ്യാന്‍ ശ്രീനിവാസന്‍, അജു വര്‍ഗീസ്, കല്യാണി പ്രിയദര്‍ശന്‍, ബേസില്‍ ജോസഫ്, വിനീത് ശ്രീനിവാസന്‍, നീരജ് മാധവ്, നീതാ പിള്ള, അര്‍ജുന്‍ ലാല്‍, നിഖില്‍ നായര്‍, ഷാന്‍ റഹ്‌മാന്‍ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
